Auzotarrak kezkatuta
Su hartu duen etxean Polmetasa lantegiko burua bizi zen lantegia zabalik zegoenean, baina gaur egun gazte batzuek lokal moduan erabiltzen dutela esan digute auzotarrek. Ez dute sekula arazorik izan bizilagunekin, baina zabor asko dago inguruan pilatuta eta auzotarrak askotan kexatu izan dira horregatik. Adierazi digutenez, sutea gauez gertatu izan balitz eta inguruan dagoen zabor guztia erre, kalteak orain baino handiagoak izango lirateke.
Bestetik, pabiloiaren orubean, galdara zaharrak dauden lekuan, kanpotar asko bizi direla baieztatu digute bizilagunek eta jendearen "joan-etorri handia" izaten dela bertan.
Arratoiak eta euliak direla-eta ere askotan kexatu dira bizilagunak.