Debagoieneko emakumeek bizitako errealitatea aztertu, ezagutzera eman eta emakume horiei omenaldia egin nahi diete, uste baitute gerraren bizipena ez zela berdina izan emakumeen edo gizonen aldetik. Gerra denbora eta osteko bailarako emakumeen argazkiak bildu eta erakusketa antolatu nahi dute. Proiektuaren helburu nagusia da beraz, gerra zibila eta diktadura frankista bailarako emakumeen ikuspegitik ezagutzea.
Gure bailaran gertatu zena berreraikitzea nahi dute. Argazkien bidez, aurpegiak jarriko dizkiete biktima eta egoera latzak bizi izan zituzten emakumeei, zorigaitza bizi izan zutenen memoria gordetzeko, zein hauen senideekiko elkartasuna adierazteko eta belaunaldi berriei gertatu zena erakusteko. Errekuperatu nahi dute "egia, zabaltzen lagundu, harekin bat egin, horrela justizia egiten lagunduko baitugu biktima izan ziren emakumeekin".
Proiektu honetan parte hartu nahi duenak Ekin Emakumeak elkartean eman dezake izena:
- Elkartearen bulegoan, Pablo Uranga 4, behean
- Telefonoz: 943 79 83 70 / 651 70 79 36
- ekin.emakumeak@telefonica.net