Eroskiren autobusak Arrasate hipermerkatua bisitatuko du egubakoitzean, zapatuan eta datorren astelehenean. Sentsibilizazio kanpaina baten barruan antolatu dute bisita, "elikadura osasungarriaren eta kontsumo arduratsuaren ohiturak zabaltzeko". Begiraleek elikagai ezberdinak nola konbinatu irakatsiko diete bertaratzen direnei eta batez ere azukrea eta gatzaren kontsumoa kontrolatzeko hainbat argibide emango dituzte. Edonorendako zabalik egongo dira autobuseko ateak.
MOE elikadura seguruaren erakundeak gomendatuta gatz kopuruaren bikoitza kontsumitzen dute espainiarrek eta haurren gizentasunari dagokionez, Espainia buru da AEBren aurretik. Egoera horri buelta ematen laguntzeko antolatu du ekimena Eroskik.
Hilak 21, 22 eta 24ean; goizez eta arratsaldez
EAEn zein Nafarroan 70 herri baino gehiagotara helduko da eta esandako moduan, Arrasaten hilaren 21ean, 22an eta 24an egingo du geldialdia. Goizez eta arratsaldez egongo da zabalik autobusa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.