"100.000 milioi euro bankuak onbidentzeko. 100.000 milioi euro herritarrei ordainarazi nahi dizkietenak. Madril, EAE eta Nafarroako gobernuek krisiaren erantzuleak saritzen jarraitzen dute, herritarren gehiengoa zigortzen duten bitartean".
Horixe, gehi BEZaren igoera, sektore publikoaren pribatizazioa, enpleguaren suntsipena, osasungintzaren berrordainketa… dira Arrasateko Greba Batzordeak egiten dituen salaketetako batzuek irailaren 26ko greba deitu eta oraingo egubakoitzerako manifestazioa antolatzeko.
"Aukeratutako bidea"
Sindikatu abertzaleak azpimarratu duenez, "pobreziara kondenatzen gaituzte basatiki, guzti-guztiok, baina batez ere kolektiborik zaurgarri eta prekarizatuenak: gazteak, emakumeak, pentsiodunak, etorkinak, desgaitasuna duten pertsonak eta guraso bakarreko familiak. Ez da egia hau dela bide posible bakarra. Hau da aukeratu duten bidea, egiten ari direnaren jakitun eta kontziente izanda: lan eta genero esplotaziozko bidea, prekarietate sozial eta diskriminaziozkoa".