Egubakoitzean, MobyDick-ek zabaldu zuen ziklo akustiko hau eta kulturateko areto nagusira 60 bat pertsona inguratu ziren. Saioak aurrera egin ahala, publikoak eta musikariak gora egin zuten intentsitatean eta amaierarako eszenatokitik jaitsi eta bertara hurbildu ziren pertsonak irabazi zituen Moby Dick kantautore getxotarrak.
Atzo ordea, McEnroe taldearen indie pop rock-aren txanda izan zen. 40 bat lagun hurbildu ziren talde getxotarra ikusteko asmoz, eta hauen pop goxoa dastatu zuten. Kontzertu lasaia izan zen, atmosfera intimista nagusitu zen kulturaten eta ikusleak tarte politaz gozatu zuten zapatu arratsaldean.
Datorren asteburuan, Sons of the Deltaren bluesa, Javier Corcobadoren crooner istorioak eta Igor Arzuaga eta Luis Vil bikotearen emanaldiak ikusteko aukera egongo da kulturaten.
Gaur 20:00tan, kultur atek antolatu dituen hirugarren kontzertua eskainiko du Smile talde getxotarrak. Lehen txanda honetako kontzertu rockeroena izango da gaurkoa, bertan 'All roads lead to the shore' diska berria aurkeztuko du boskoteak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak