Arrasateko sozialisten egoitza berriak zabaldu ditu ateak jada. Jende mordoa gerturatu zen egubakoitzeko inaugurazio ekitaldian, eta Lehendakariaren etorrerak ikusmina piztu zuen, baita komunikabideen artean ere. Arrasateko sozialisten idazkari nagusi Paco Gartziak onartu zuen aurreikuspen guztiak gainditu zituztela: "Jende mordoa etorri da, eta oso pozik gaude. Askatasunaren egoitza da hau, eta ateak denendako zabalik daude. Ideia berriak dituztenendako, eta baita kritika bat egin nahi duenarendako ere".
Hain zuzen, Lehenkarariak Paco Gartzia aipatu zuen komunikabideen aurrean egindako aurkezpenean. Harro dagoela Arrasateko sozialisten ordezkaria izateaz, eta gogoan izan zuen, baita ere, ETAk hildako Isaias Carrasco ere. Hauteskundeak gainean, berbaldi politikoa egiteko ere aprobetxatu zuen Lopezek. Iñaki Arriolak hasi zuen berbaldia, eta gogor kritikatu zuen Iñigo Urkullu, etengabeko borroka bilatu nahian dabilelako. Eta Lopezek gaineratu: "Inora ez garamatzaten borroken kontra gaude, herri honek ez duelako halakorik behar, eta bai elkar-ulertzea". Argi utzi zuen, baita ere, PSE ez dagoela independentziaren alde: "Proposamen horiek herria banatzen dutelako, eta guk batasuna behar dugu".
Herritar bat, Patxi Lopezekin lokal berria inauguratu berri.
Eekitaldian egon ziren, besteak beste, Eusko Jaurlaritzaren bozeramaile Idoia Mendia, Bizkaiko idazkari Jose Antonio Pastor, eta Isaias Carrascoren alargun Marian Romero. Berbaldiaren ostean tabernako ateak ireki eta jendetza batu zen bertan:
