Dokumentalaren egile nagusia izan da Intxorta 1937 Kultur elkartea. Elkarteko Julia Monge pozik dago azken emaitzarekin baina onartu du orain berriro egin beharko balute emaitza ezberdina izango zela oso. Baina benetako protagonistei, hots, testigantzak eman dituzten emakumeei gustatu zaienez lasai dago.
Testigantzak jaso ostean harritu dion gauzetako bat izan da krudelkeriarik ankerrenean ere emakume horiek aurrera egiteko erakutsi zuten gaitasuna: "Emakume askok dena galdu arren, amorruan ito barik aurrera egiten jakin zuten. Hori goraipatzekoa da"
Omenaldia bi paseen artean
Dokumentala euskaraz zein gazteleraz ikus daiteke. Bi paseen artean omenaldia egingo diote testigantzak eman dituzten emakumeei. Aurreskua eta lore eskaintza egingo dizkiote eta Intxorta 1937 Kultur elkarteko zein Arrasateko Udaleko ordezkari banak egingo dute berba, besteak beste.
DVDa ez da oraindik labetik irten baina eguen honetarako izatea espero dute. 12 eurotan jarriko dute salgai.