Lapurrak sartu dira Arrasateko gaztetxean

Eguaztenetilk eguenerako gauean sartu ziren lapurrak gaztetxean. Hainbat ate behartu ostean barrura sartzea lortu zuten eta AGAKOren arabera, ez dute balio handiko ezer eraman: "Atzo egin genuen inbentarioan tabernan alkohol botila batzuk falta zirela konturatu ginen, baina ez besterik. Hori bai, ateetan batez ere, kalte handiak eragin dituzte". Hirugarren aldia da sartzen direna, izan ere, uztailean eta abuztuan ere sartu ziren. AGAKOk gogor salatu du ekintza: "Penagarria iruditzen zaigu herriarendako lan egiten duen gune bati halako erasoak egitea".