Bihar inauguratuko dute Arrasateko alderdi sozialistaren egoitza berria. Martxoaren 8 kalean dago kokatuta eta taberna zein jatetxe zerbitzua ere izango du. Gipuzkoa etorbideko lantoki zaharra gogora ekartzeko asmoz Elma izena jarriko diote tabernari. Inaugurazio ekitaldian (18:30) Patxi Lopez Lehendakaria eta Iñaki Arriola PSE-EEko Gipuzkoako idazkari nagusia egongo dira. Paco Garcia zinegotzi arrasatearraren arabera, egoitza berria "itxaropen berri baten" irudi izango da: "Egoitzan jendearekin hitz egingo da eta horrela herritarrengandik gertuago egongo gara".
Garcia pozik dago egoitza berriaren irekierarekin. "Elkartzeko lekua" izango dela dio, "modu askean" berba egin eta iritziak elkartrukatzeko. Gaineratu du ETAren su eten iraunkorrak taberna eta jatetxea irekitzea ahalbidetu duela eta nabarmendu du egoitza zaharrak izan zuela taberna baina eraso eta jazarpenek ixtera behartu zutela: "Jendeak tabernan sartzeko eta bertan ikusiak izateko beldurra zuen".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.