Hushen egindako lanari buruz kontatu duenez, helburua izan da baltien higienea hobetzeko aurrerapausuak ematea. Komunitateko emakumeen eskaerari erantzunez, fundazioko osasun eta azpiegitura taldekoek bio-eraikuntzan eta teknologia egokietan oinarrituriko bi prototipo eraiki dituzte: sukalde-berogailua eta komuna.
Sukalde-berogailua
Alde batetik Rocket berogailuan oinarrituriko sukalde berri bat diseinatu eta eraiki dute. Janaria sukaldatzeko zein etxea berotzeko ahalmena du sukalde horrek. Gainera tenperatura altuko barne errekuntzari eta bere inertzia termiko handiari esker, egur kontsumo urriko estufa da.
Nahia Bellosok azaldu duenez, "estufa horri esker, baltiek –gehienetan, emakumeek– egur gutxiago garraiatu beharko dute inguruko mendietatik etxera; eta era berean, egunero arnasten duten sukaldeetako ke beltzak desagertuko dira, sukaldeetan dauden ume eta emakumeen bizi itxaropena areagotuz".
Sukalde-berogailua amaituta eta erabiltzen.
Komuna
Komunari dagokionez, hondakin soolido eta likidoak bereizten dituen komun lehorra instalatu dute, eta urarekin garbitzeko aukera ematen duena, era berean. Egun dauden infekzio kopuruekin larriturik eraman dute aurrera proposamena. Eraiki duten komun lehorrak hondakin likidoak biltzeko eta arazteko sistema du, horiek direlako hepatitisa bezelako gaitzak kutsa ditzaketenak. Ondakin solidoak,ordea, sei hilabetez gordetzen dira depositu bikoitzeko gordailuan, ondoren konpost gisara erabili ahal izateko.
Komun lehorrak.