San Andres, Musakola eta Erguingo gazte txokoetako ateak hilaren 18an irekiko dituzte (17:00-20:00) eta Erdigunekoa, berriz, irailaren 21ean zabalduko dute (18:00). Erdiguneko gaztegunea egubakoitz, zapatu eta domeketan egongo da zabalik aurten ere, aste bukaeretako hutsunea betetzea helburu.
"Gazteengandik gauza berriak ikasteko gogoz"
2012-2013 ikasturtean ere Arrasateko gazte txoko eta gaztegune ezberdinek ateak irekiko dituzte. Jakina denez, 12 eta 17 urte bitarteko gazteek euren lekua sor dezakete, euren aisialdia antolatu edo baliabide ezberdinak erabili.
Hezitzaile taldea ere gogotsu dator: "Ilusioz ekingo diogu lanari, gazteekin batera eta gazteengandik gauza berriak ikasteko gogoz, auzoak biziberritzeko asmoz eta gure lan hezitzailean sinistuz".