Saskibaloia gustuko duten zortzi eta hamabost urte bitarteko 25 neska-mutil ari dira parte hartzen ekimenean. Egunero 10:00etan elkartu dira. Adineka banatuta, bakoitzaren beharrei egokitutako ariketa ezberdinak landu dituzte.
Horrelako teknifikazio saio bat antolatzen duten lehenengo aldia izan da hau, eta Josu Larreategik eduki du gaztetxoak prestatzeko ardura. Larreategiren esanetan, kopuru polita elkartzea lortu dute eta pozik agertu da esperientziarekin.
Nahiz eta izena emateko deialdia irekia izan zen, parte hartzaile gehienak klubekoak bertakoak izan dira; etorkizunean hori aldatu gura dute, jende ezberdina erakarriz. "Izan ere, ekimena urtero errepikatzea da gure asmoa, eta ahal izanez gero, data beretsuetan. Modu horretan, aurredenboraldia prestatzeko baliagarria izango zaie".