Errepublikaren aurka matxinatu zirenek eta, gerra ondorean, Francoren diktadurapean bizi eta haren errepresioa jasan zutenen gainekoa da dokumentala, garai ilun haiek bizi zituzten emakume arrastearren ahotan kontatua.
"Historia idatziak jaso ez arren, emakumezkoak izan dira urte goibel hauetako protagonista nagusiak. Sufritu dute, baina jardun dute, sortu dute eta aurrera egiten jakin dute. Dokumental honek emakumeek jasandako ahanztura eta isileko istorioa aireratu nahi ditu" diote Intxorta 1937 Kultur Elkartekoek.
Dokumentalean, testigantzez gain, garai hartako pasarteak birsortu dituzte, irudi egiazko, gogor eta hunkigarriak sortuz.