Arrasateko Merkatari eta Zerbitzuen Elkarteko kide diren dendek kalera aterako dituzte beste behin ere beraien produktuak, 10:00etan hasita 20:30ak arte. Askotariko gaiak aurkituko dituzte erosleek hilaren 15ean:arropak, bitxiak, ile-apaindegiko produktuak... Guztia, ohi baino prezio hobean.
Baina postuek bakarrik ez, trikitilariek ere Alde Zaharra girotuko dute hilaren 15ean. Goiz eta arratsaldez aterako dira, 11:30etatik 13:30etara aurrena, eta 18:30etatik 20:30etara ondoren. Bestalde, 17:00etan buruhandien txanda izango da.