Ibai-Arteko dendetan beraien erosketa-txartelarekin ordaintzen dutenen artean bi pertsonentzako 40 ibilbide kultural zozkatuko dituzte irailean zehar. Ordainketa unean bertan jakingo dute erosleek sarituak izan diren ala ez, erosketa tiketean "Ibilbide Kulturala" mezua agertuko baita.
Urriko eta azaroko zapatutan egingo dituzte Arrasateko Alde Zaharrean aipatutako bisitak, eta bitxikeria eta istorioen bidez Arrasateri buruz gehiago ikasteko aukera edukiko dute. Saritutako lagunek aldez aurretik zehaztu beharko dute bisita hitzordua 943 79 30 90 telefonora deituz.