Gaur, abuztuak 27, eguaztena eta egunenean kontzentrazioak egingo dituzte plazan, 19:00etan; eta bihar, martitzena, enkartelada Seber Altuben, 19:00etan. Azkenik, egubakoitzean, abuztuko azkena izaki, manifestazioa egingo dute herriko plazatik irtenda, 19:00etan. Bestalde, aste honetan ezagutuko da Iosu Uribetxeberriaren gaineko fiskaltzaren iritzia, eta ondoren Jose Luis Castro Espetxe Zaintzako epaileak izango du azkeneko hitza.
Azken txosten medikuek berretsi dute Uribetxeberriaren egoera larria dela eta hiltzeko arriskua duela: Donostiako Ospitalearen ustez, urtebetean hiltzeko probabilitatea %90ekoa da, eta auzitegiko medikuena %50eko.
Bestalde, gaur, abuztuak 27, egingo dizkiote erradioterapia tratamendua hartu ahal izateko egin beharreko frogak. Abuztuaren 22an, onkologoaren aginduz, gose greba utzi zuenetik, indarrak hartzen ibili da tratamenduari aurre egin ahal izateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.