Arrasatera arteko ibilbidea osatuz egin asmo zuten martxaren debekuari emandako erantzuna ez da horretan geratu, ordea: Donostia zeharkatu zuen atzo, eguaztena, Josu Uribetxebarria zein gaixotasun larriak dituzten beste hamahiru presoak askatzeko aldarrikapenak, aulki bat eta Giza Eskubideen Adierazpen Unibertsala eskuz esku eramanda.
Carlos Urkijok, Espainiako Gobernuak EAEn duen ordezkariak, gogoratu du debekatutako martxa deitu zuten pertsona berberek eta helburu berberarekin egin dutela deialdia, eta Auzitegi Nazionalak orain arteko jarrera "irmoarekin" jarraituko duen esperantza agertu du.
Arrasateko alkateak eta Gobernu taldeko zenbait kidek Donostiako Ospitalerako bidea hartu dute gaur, eguena, elkarretaratzean parte hartzeko.
Autobusa antolatu dute
Arrasatetik Donostiara joateko autobusa jarriko dute. 16:00etan aterako da Garibaitik eta tiketak zazpi eurotan egongo dira salgai Iratin.
Azken ostirala
Manifestazio egunaren bezperarako, biharko, egubakoitza, beste manifestazio bat deitu dute Arrasaten. 19:00etan hasiko da Herriko Plazan.