Lan egun normal-normala, ohikoa balitz moduan hartu dute gaurkoa Ceciaga dendakoek. "Pentsatu genuen jaialditxo bat-edo egitea, baina, musikarekin-eta, negar-malkoak irtengo zitzaizkigula konturatu ginen", dioskute. Horregatik, ezer berezirik ez antolatzea erabaki zuten.
Hala ere, jendea akordatu da eurekin. Opariak eta guzti izan dituzte: esaterako, lore-sorta ederra, eskaparatean daukatena. Urte askoan lankide izan duten saltzailea ere bisitan joan zaie gaur.
Bihar, Rosarito Zeziaga oraindik dendara joango da, azken garbiketa-eta egitera, baina ez da bezeroendako zabalik egongo.
"Beste etapa bat"
Triste daude lau emakumeak; baina, aldi berean, pozik ere bai, orain denbora libre gehiago izango dutelako: paseatzera irteteko, familiarekin egoteko eta beste hamaika gauza. "Orain, beste etapa bat hasten da", esan digute.