Oporretara doanak eta etxeko animalia eroan ezin duenak badauka non utzi. Arrasate Zoo dendak hartzen ditu animaliak, etxean moduan zaintzeko. Ugazabak, Mari Cruz Kortabarriak, urte osoan ematen du zerbitzu hori, baina bereziki uda partean erabiltzen du jendeak. Aurten, 15 bat katu dauzka zaintzeko, eta txoriak ere bai, bereziki loritoak.
Iaz, 21 katu zaindu zituen udan Mari Cruzek, eta aurten, 15 bat baditu dagoeneko. Ekartzen dizkioten animaliei jaten eman, garbitu, atera eta, gaixotzen badira, albaitariarengana eroaten ditu; bereak balira moduan zaintzen ditu Mari Cruzek.
Zerbitzu hori emateko bere oporrei uko egiten dien arren, pozik egiten du lan hori Mari Cruz Kortabarriak, eta animaliak ere oso gustura izaten dira; berak dioen moduan, "batzuek ez dute etxera bueltatu gura izaten". Gaizki ez dauden seinale.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.