Arrasateko Askapena elkartetik helarazitako eskutitzean diote, “blokeoa 1960tik aurrera (neurri txikiago batean) ezarri zuten arren,, Kennedyk osatu zuela 1962an. 1992 eta 1996an, Bush eta Clinton-en agintaritzan, lurraldez kanpoko neurriak erantsi zitzaizkiotela; eta debeku ekonomikoa, finantzazkoa eta merkataritzari dagokiona ez dela mugatzen Kuba eta EEBB-en harremana moztera, baizik eta beste herrialdeetako herritar, erakunde eta enpresei jazartzen zaiela, Kubarekin inolako merkatal, zientzia edo finantza harremanen bat abiatzen dutenean”. Gutunean gaineratzen dute, “blokeoak Kubaren esparru ekonomikoa murrizten duela eta eragozten diola uhartearen garapenerako ezinbestekoak diren lehengaiez hornitzea”.
Horrexegatik guztiagatik eta “Kuba Inperioaren aurreko duintasun eta errebeldia erakusle handiena delako”, Askapenetik elkartasun osoa adierazi nahi diote, eta EEBBk ezarritako blokeoa berehala eta betiko bukatzeko exigitu.
Hori horrela, Arrasateko Askapenak herritarrei gonbidapena luzatu gura die, arratsaldeko 7etatik aurera Arrasateko gaztetxean egingo duten Kubatar jaialdirako; mojitoa, musika dantzagarria eta argazki erakusketa, besteak beste, antolatutako egitarauan.