Uztaileko baserritarren azoka ere nobedadeekin dator. Izan ere, Garaion elkartekoak izango dira bihar Seber Altube plazan –azoka, ohi moduan, 09:00etatik 14:00etara–. Baserritarrei erosketa txiki bat egin ostean, fruta, barazki eta bestelako produktuekin eskultura txiki bat egiten saiatuko dira: "Eskultura hori erabiliko dugu gero brotxeta batzuk egin, plantxan erre eta azoka amaieran dastatzeko", adierazi du Arkaitz Iturriotz Garaioneko kideak.
Iturriotzek dei egin die gazteei bereziki azokara hurbildu eta barazki ekologikoak probatzera: "Itxura ez da barazki industrialena bezain erakargarria baina zaporea askoz hobea da". Ekintza hori Garaionek eta Debagoieneko Turismo Sailak elkarlanean antolatu dute, jardunaldi gastronomikoen baitan.
Aramaixo Basarri Barri ere bai 17 postu izango dira bihar. Arrasateko bost baserri izango dira denboraldiko produktuekin baina aipatzekoa da biharkoan zein datozen azoketan bertako produktuei irteera ematea helburu duen Aramaixo Basarri Barri fundazioko produktuak ere izango direla; oraingoz, sagardoa eta sagar-zukua. Abuztuan ez da azokarik egongo, eta irailean bueltatuko da.
