Gaitz isilduak da dokumentalaren izenburua. Egubakoitzean aurkeztuko dute Donostiako Koldo Mitxelenan, 12:00etan. "Hamalau gaixotasun dira, hamalau egoera, hamalau bizipen", dio Etxerat-ek, "baina preso guztiek zerbait dute komunean: larri gaixorik egon arren espetxean jarraitzen dutela".
Etxerat-ek dionez, hamalau kasu hauetan "presoen oinarrizko eskubideak urratuak izaten ari direla ikusten da, eta senideek egoera hauen aurrean sentitzen duten ezintasuna antzeman daiteke".
Minbizia
Josu Uribetxeberriari 2005eko apirilean neurri handiko tumore bat detektatu zion urologoak ezker aldeko giltzurrunean. Urte bereko maiatzean zenbait froga egin zizkioten Cadizeko Puerto Realeko Ospitalean, eta ezkerraldeko giltzurrun neoplasia (minbizia) bat diagnostikatu zioten. 2005eko ekainaren 9an, berriz, ezkerreko giltzurruna kendu zioten (nefrektomia); ondorioz, bizi arteko koterola eta tratamendua beharko du.
Josu Uribetxeberria preso arrasatearra bisitatzera Leonera, Mansillako kartzelara, abiatu zen ekainaren 9an Arrasateko udalbatzaren ordezkaritza bat. Egun horretan manifestazioa ere egin zuten Arrasaten.
Dokumentalaren trailerra sarean da. Etxerat elkarteak zuzendu du. Hemen jaso dugu.