Udal azoka kanpoan hasi da saioa baina lehen sektorearen lantaldeak ondorioak aurkeztu eta berehala euria hasi eta azoka barruan jarraitu behar izan dute. Hala, ekimenaren lehen fasean parte hartu duten lau lantaldeek ondorioak eta proposamenak aurkeztu dituzte, banan-banan. Hau da, nekazaritza, jolasa, herrigintzako plaza eta kontsumo arduratsua eta produktu eraldatuak izan dituzte hizpide. Makina bat ondorioen artean, azoka berrian baserritarrendako lekua erdigunean kokatzea aurreikusten da, "sartu eta lehendabiziko gunea" izan dadin.
Azpi-prozesuak ere berbagai
Lantaldeen ostean, etorkinak eta haurrak abiapuntu dituzten azpi-prozesuen ondorioak ere azaldu dituzte. Munduko azoketatik berdura plazara lelopean elkarlanean aritu diren Ekin elkartea eta etorkinekin izandako esperientzia trukatu dute, eta baita haurren iritzia jasotzeko Umeen begiradaz azoka berria eraikiz lelopean lankidetzan aritu diren Txatxilipurdi elkartea, Mondragon Unibertsitateko Huhezi fakultateko ikasleak, Herri Eskola eta Arizmendi ikastetxeak eta kasu honetan protagonista izan diren 200 haurren iritziarekin jasotako proposamenak ere.
Horrez gain, aurreratu dute talde eragilea –denetariko ordezkariez osatua; Ibai Arte elkartea, besteak beste– izango dela ideia, ondorio eta proposamen jario horri forma ematearen arduraduna.