Udazabal ekimenaren aurtengo edizioa hasi da lehen urratsak ematen, eta gaur arratsean Seber Altube plazara hurbildu direnek bertatik bertara ikusi ahal izan dute lehen ikuskizuna: Carni di prima qualitá dantza ikuskizuna, hain zuzen ere.
Natxo Montero dantza taldearena da ikuskizuna, eta bi dira taula gainean dabiltzan dantzariak: Natxo Montero bera eta Patricia Fuentes. Musika bariko ikuskizuna izan da eurena: musikarik ez, baina, erritmoa, nahi adina. Bi dantzariek dantza bortitza erakutsi dute, tarteka borroka, tarteka maitaleen arteko jolasa zirudiena. Gorputza gorputzaren gainean, kontra, azpian, segika, korrika… Bisualki apustu deigarria izan da, gurean ohikoak diren dantza ikuskizunetatik asko urruntzen dena. Eta akaso horregatik beraratik, baina ez dira gutxi izan Seber Sltube plazara ikuskizuna jarraitzera joan diren heldu eta gazteak.
Udazabal 2012
Uztailak 12
22:30 Monterron parkean kontzertua Travellin’ Brothers Big Band taldearekin
Uztailak 13
20:30 Biteri plazan, H,O2TOPOZ kale antzerkia
Uztailak 19
20:30 Jose Letona plazan kontzertua Aupa Quartetekin
Uztailak 20
20:00 Seber Altube plazan Jon Zabalen magia ikuskizuna
Uztailak 24
22:30 Monterronen folklore jaialdia Venezuela eta Arrasateko dantza taldeekin
Uztailak27
20:00 Herriko plazan Xabi Larrearen UP!!! ikuskizuna