Herriko Plazan batutako neska-mutikoek bi entzierro egin dituzte, txikienentzako bat eta helduxeagoentzako bestea. Gogotik egin behar izan dute korrika atzetik zituzten bost zezenek harrapatu ez zitzaten eta, ahalegin horretan, izan da lurrean bukatu duenik ere; erorketa batzuk izan dira, baina ezer larririk ez.
Erdiguneko kaleetan barrena halako esprinta jo eta gero, Herriko Plazara bueltatu eta Panplona txorizodun ogitartekoa jan dute, galdutako indarrak berreskuratzeko.
Lesakako Sanferminei kantuan
Urte luzez Arrasaten bizi den Sebastian Astola otxandioarrak, bestalde, Lesakako Sanferminei kantuan egin die, Arrasateko "parlamentutik". 94 urte ditu.