Uztailaren 31tik abuztuaren 5era Arrasateko Goikobalu Gazte abesbatzako 13 kantarik Italiara, Torinora, joango dira Europa Cantat jaialdira. Jaialdi hau Europako herrialde desberdin batean egiten da hiru urtez behin. Aurten Torinon egingo da uztailaren 27tik abuztuaren 5era bitartean.
Mundu osoko kantariek, abesbatzetako zuzendariek eta musikagileek parte hartzen dute antolatzen diren 50 tailerretan. Estilo ezberdinetako musika lantzen da tailer horietan: klasikoa, folka, popa, rocka, gospela, musikalak…).
Arrasatetik, 14-17 urte bitarteko kantariak joango dira Rakel Murgiondo zuzendariarekin eta izpiritual beltzen (gospel) tailer batean parte hartuko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.