Hedabide horren arabera, "Mendizabalen argazkia eta datu pertsonalak Ertzaintzaren eta Guardia Zibilaren zerrendetan sartu dituzte eta, ekaineko azken egunetan, erkidegoko polizia etxeetan eta institutu armatuko kuarteletan banatu". "Frantzian burututako hainbat operaziotan, erakundearen arma eta lehergai ezkutalekuetan batez ere, bere aztarna digitalak azaldu izanak" eraman ditu Arrasatekoa "terrorista bilatuenen zerrendan" sartzera.
Informazio zerbitzuen arabera, "ustezko ETAko kide honek iazko udaberrian egin zuen salto erakunde armatuko erantzukizun postuetara, ETA su-etenean zegoela".
Ertzaintzako eta Barne Ministerioko analistek "ETAko buruzagi militar izandako Jurdan Martitegi Arlas-en inguruko" jotzen dute Mendizabal. "Galiako Montauriol herrian, Perpiñan inguruan, atxilotu zuten Martitegi 2009an eta ordutik desagertuta dago Mendizabal".
2001 urterako, Auzitegi Nazionalak Bizkaia eta Gipuzkoako banketxeen kontrako erasoetan espezializatutako kale borrokako talde batekin erlazionatzen zuen. El Correok jaso duenez, Ertzaintzaren operazio batean ihes egitea lortu zuen orduko hartan. "2005ean atxilotua izan zen Arrasaten, protesta ekitaldi baten", gehitzen du ondoren.
Egunkari horren arabera, Mendizabalekin, beste 16 lagun geratzen dira ETAko kide bilatuenen zerrendan.