Hark kontatu digu lehergailuak erabili barik, mailua duen makina batekin botako dute Axerikoa zubia. Eta eraikiko duten berriak ez duela arkurik izango, oraingoak moduan. "Zulo hutsa izango da, ura azpitik pasa dadin", kontatu du.
Bien bitartean, jakina, inguruko pasabideak itxita daude; besteak beste oinezkoena, Arruena parketik pasatzen denaren zati bat. Izan ere, obra perimetroa Musakolako astoraino iristen da.
Eta Musakolatik Arrasaterako sarrera ere moztuta dago, datozen sei hilabeteotarako.
Hala ere, oraindik bat edo beste ez da konbentzitu hala denik, eta mozketa iragartzen duen seinaleraino sartu ostean buelta ematen dute.
