Natxo Montero Dantza Konpainia izango da aurtengo Udazabal ekimenaren teloia altxatuko duena. Seber Altuben Carni di primaqualitá izeneko ikuskizuna egingo du egubakoitzean (20:00). "Bizitzan denoi gertatu ohi zaizkigun une eta egoerei buruz dihardu, nahi ditugunak eta nahi ez ditugunak, denak". Hala aurkeztu dute ikuskizun hori.
Aire libreko zinema emanaldiari dagokionez, berriz, Gianni y sus mujeres da egubakoitzean emango duten filma, Monterron parkean 22:30ean. 90 minutuko iraupena dauka, eta adin guztietako ikusleei zuzendutakoa da.
Ekitaldi sorta osoa
Behin abiarazita, astero bi ekitaldi izango dira. Segidan egutegia eta ekitaldi sorta:
- Uztailak 12: Travellin' Brothers Big Band (Euskal Herria); 22:30ean, Monterronen. 2003an eratutako blues taldea da, Leioakoa.
- Uztailak 13: H,O2TOPOZ kale antzerkia; 20:30ean, Biteri plazan. Gurpildun aulkia erabilita kale ikuskizuna egiten du Iñaki Matak (Euskal Herria).
- Uztailak 19: Aupa Quartet (Euskal Herria-Kuba); 20:30ean, Jose Letona plazan. Munduan zeharreko bidaia musikala sortzen dute: erritmo kubatarrak, edonon ezagunak diren abestien bertsioak, melodia folklorikoak…
-
Uztailak 20: Jon Zabalen magia ikuskizuna: 20:00etan, Seber Altube plazan. "Ilusionismo mentaleko ikuskizun komiko bat" da. Magoak "ikus-entzuleen pentsamenduak manipulatzen ditu".
- Uztailak 24: Folklore jaialdia, 22:30ean, Monterronen. Compañía Nacional Danzas GUanaguanare (Venezuela) eta Lore Gazteak (Arrasate) taldeen arteko dantza ikuskizuna.
-
Uztailak 27: Up zirku ikuskizuna, 20:00etan, Herriko plazan. Xabi Larreak zirku ikuskizuna egiten du, "umorea eta objektuen antzerkia funtsezko hizkera moduan" erabilita.
-
Irailak 2: La Mosquitera (Katalunia) taldearen Karroart ikuskizuna, 12:00etatik 14:00ak arte eta 18:00etatik 21:00ak arte, orduro hiru pase, Seber Altuben. "Hogei minutuz esparru berezi batez gozatzen du ikusleak", itzal antzerkira hurbiltzen den ikuskizun batekin.
- Irailak 7: Chongqing zirkoa (Txina), 20:00etan, Herriko plazan. Akrobazia, magia, arte martzial eta zirkuko zortzi konpainien ikuskizuna batzen dituzte txinatarrek.
Aire libreko zinema emanaldiak:
- Uztailak 13: Super 8, 7 urtetik gorakoendako. 114'
- Uztailak 20, Un lugar para soñar, guztiondako. 124'
- Uztailak 27, Urte berri on, Amona!!, 7 urtetik gorakoendako. 105'
- Abuztuak 3, Intocable, 7 urtetik gorakoendako. 115'
- Abuztuak 10, Cowboys & Aliens, 12 urtetik gorakoendako. 118'
- Abuztuak 17, Capitán América, 7 urtetik gorakoendako. 126'
- Abuztuak 24, Aita zonbia naiz, 7 urtetik gorakoendako. 80'
- Abuztuak 31, Un feliz acontecimiento, 12 urtetik gorakoendako. 111'
- Irailak 7, El Cazarecompensas, 7 urtetik gorakoendako. 91'
- Irailak 14, La edad de hielo 4, guztiondako. 89'.