Uztailaren 4an hasi eta 22ra arteko entretenimendua izango dute etxeko txikiek Arrasaten Txatxilipurdiri esker. 10:00etan edo 10:15ean hasi eta eguerdira arte txikitxoenek, eta 6-10 urte bitartekoek aukeran, goizez bakarrik edo goiz eta arratsaldez, 18:30ak arte. Musakolan, San Andresen eta erdigunean ibiliko dira umeekin.
Udaleku itxiak ere bai
Bestalde, udaleku itxiei dagokienez, atzo, uztailaren 1a abiarazi zuten Orioko udalekuan lehen txanda, uztailaren 11ra arte. Bihar, berriz, Zeraingo (Goierri) aterpetxeko udalekuen lehen txandakoak abiatuko dira 9 eguneko oporraldira.