Ekainaren 25a haurren eta gaztetxoen festa eguna izanda, eurek "hartu" dute eguerdi partean gasolinera: marrazki, ohe elastiko, puzgarri eta bestelako jolasetan gustura asko aurkitu ditugu, adin guztietakoak, gainera.
Bien bitartean, Maisu Aranon dagoeneko koadriletako finenak lanean dihardute, herri bazkarirako menu gozoak prestatzen.
Eta inguru guztia dantzan jartzen dihardute Rockbox fanfarrekoak, askoren harridurarako. Izan ere, ohikotasunetik erabat atera eta AC/DC eta U2 moduko taldeen rockanrolla da euren musikaren muina.
