Astelehen eguzkitsua 08:30ean esnatu da Arrasaten, gaiteroen doinu indartsuen dianarekin. Zezenak badatozela iragarri eta haien bidea garbi dagoela ziurtatu dute 09:00ak bitartean. Gero, di-da batean pasa dira zezenak plazara bidean, eta han, plaza bete duten herritarren aurrean jardun dute euren aurrera salto egitera ausartu diren gazteak harrapatzeko ahaleginetan.
Porruk iragarri du zezenak plazara bidean badatozela.
Eta iragarri eta berehala pasatu dira zezenak. Ikusteko ia astirik eman barik.
Behin plazan, bat edo bat harrapatzea lortu dute, behin baino gehiagotan, gainera. Zorionez, ez dio kolpe larririk eragin, eta gainera, bukaeran ikusleen esker-ona jaso du gazteak txalo modura, eta 10 euro eta guzti eman diote, "egindako lanarengatik".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
