Iñazio Arkarraga-Urizarrek, dantza egin du orduan. Ohitura den moduan, alpargata zaharra bota du sutara, zaharrak erre eta berriak hobeak izan daitezen. Txaloz hartu dute alkatea arrasatearrek. Dantzariek orduan, suaren inguruan, polkak eta San Juan dantza egin dituzte.
23:30ean hasi da Danborrada. Seber Altuben herritar mordoa bildu da urteroko beste hitzordu bat ikusteko. Danbor jotzaileak pozik zeuden, dantzarako gogoz, eta nola ez, danborrak apurtu arte ere jotzeko gogoz. Eta horrela izan da. Umore onean, abesten eta dantzan pasatu baitute danbor jotzaileek gaua.