Sanjuanetarako txosnak gertu etzi jai giroan murgil daitezen

San Juan jaien usaina nabaria da Arrasateko kaleetan. Joan den asteburuan txikienak izan ziren protagonista nagusi denetariko ekintzekin. Orain gazteek hartuko dute lekukoa, jaietan euren espazio naturala izango den Txosnagunean. Izan ere hilaren 22an, bezperaren bezperan, irekiko dituzte txosnak. Gaur bertan langileak ikusi ditugu txosna horiek muntatzen. Era berean, San Juan bezperako koadrilen bazkarirako kamisetak gaur eta bihar banatuko dituzte gaztetxean, 18:00etatik 19:00etara. Bazkariko txartela eraman behar da.

• Bezperaren bezperatik hilaren 25era arte, egitarau zabala Txosnagunean
• San Juan jaien aurreko asteburuan, denetariko ekintzak