Zortzi hitzordu egin ditu Arrasate Musikalek, gaurtik domekara bitartean gauzatzeko. Gertukoenak gaurkoak dira: 18:00etan, tronboi, tuba eta bonbardinoko ikasleen kontzertua musika eskolan; eta 18:30ean, klarinete kontzertua, leku berean.
Bihar, ikasleek dute hitzordua, 18:30ean kontzertua egiteko, musika eskolan. Eta 21:00etan jam sesion iragarri dute, hori ere musika eskolan.
Eguenean, berriz, sokazkoen txanda izango da, 18:30ean; eta egubakoitzean, kantu kontzertua antolatu dute, 17:30ean.
San Juan eguneko kontzertu handia
Bukatzeko, domekan, San Juan eguneko kontzertu tradizionala joko dute, Monterronen 13:00etan. Eta hori baino lehen, diana modura edo, 11:30ean kalez kale jardungo dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.