Suitzako Itzulian erori eta lepauztaian kolpe gogorra jaso ondoren, gaur, hilak 18, hasiko da berriro entrenatzen Iban Velasco. "Lau egun geldi egon ondoren, hobeto nago. Orain berriro lanean hasiko naiz", esan digu.
Min handiarekin egon dela ere esan digu arrasatearrak: "Iazko Tourrean lepauztaia apurtu eta plaka bat ipini zidaten. Suitzan leku berean hartu nuen min. Minduta egon naiz, baina orain ondo nago".
Bizikleta gainean jarriko da gaur, astelehena, Espainiako Itzulirako prestakuntzarekin hasteko. "Oraingoz hori da hurrengo helburua: Espainiako Itzulira ondo heltzea", esan digu Iban Velascok.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.