Era berean, koadrilendako egun handia den San Juan bezpera indartsu datorrela gaineratu dute. 600 txartel saldu dira di-da batean Uarkape pilotalekuko herri bazkarirako; egitarautik ez dute ezer aldatu: "Ez du merezi ondo funtzionatzen duen egun bat aldatzea", adierazi du Jon Arizmendik.
Jaiei hasiera, eskubaloi taldeak
Txosna batzordeko kideek aurreratu dutenez, aurten txupinazoa Ford Mugarri eskubaloi taldeko jokalariek botako dute: "Igo ez arren, oso denboraldi ona egin dute eta euren lana txalotu gura dugu". 12:00etan izango da, Txosnagunean.
'Zeuk iñ, zeuk jan'
Ekintzen artean, Zeuk iñ, zeuk jan koadrilendako bazkaria da aurtengo nobedade nagusia: "Norberak sukaldatzeko lehengaiak eraman beharko ditu eta antolatzaileok arduratuko gara tresneria eramateaz", esan du Josu Beltranek. Bazkarian parte hartuko dutenen aurreikuspena egiteko BAZen eta oraindik zehazteke dituzten taberna batzuetan jarriko dituzte bi zerrenda: bata, parte hartzaile kopurua jakiteko eta bestea, sukaldatzeko materialaren eskaera egiteko.