2011ko Nafarroaren Egunerako prestatutako ekitaldia da Arrasaten egubakoitzean taularatuko dutena, Hitzen Musikaz Hazi izenekoa. Baigorrin estreinatu zuten eta kantaldi hunkigarri eta ederrak arrakasta handia lortu zuen. Entzuleriaren erantzun beroa eta kontzertuaren prestaketan burututako lan handia aintzat hartuta ikuskizuna Euskal Herriko beste txokoetara eramatea erabaki zuten.
Martxoan hasi zituzten entseguak
Arrasateko kontzertuari dagokionez, Arrasateko Goikobaluko kantari txiki zein gazteak igoko dira taula gainera izen handiko musikariekin batera. Martxoa inguruan hasi zituzten entseguak Goikobaluko kideek. Abesti gehienak ezagunak dituzten arren, hain ezagunak ez diren doinuak ere ikasi behar izan dituzte.
Sarrerak 10 eurotan salgai
Abesti berri nahiz zaharretan publikoaren partaidetza eta protagonismoa funtsezkoa izango dela nabarmendu dute antolatzaileek, eta alde horretatik, herritarrei parte hartzeko deia egin die. Sarrerak dagoeneko salgai daude kutxan 10 euroren truke.