"Arrakasta gehien txapelketek eta dantzaldiak izaten dituzte", kontatu du Iturbide egoitzako dinamizatzaileak. Izan ere, goizean agerikoa izan da gustura asko zebiltzala elkarren artean lehian Iturbieko egoiliarrak, diploma eta gozokiz osatutako saria zeinek eskuratuko.
Hurrengo hitzorduak, berriz, biharko txangoaz gainera, eguen eta egubakoitzean dituzte. Eguenean, Nola bizi hobeto zahartzaroan hitzaldia egingo du Jone Santos erizainak (10:00). Eta 17:00etan, Arrasate Musikalekoen bisita izango dute nagusiek.
Boloak eta bingoa
Egubakoitzean izango dituzte, baina, hitzordu "gustukoenak": 10:00etan bolo txapelketako finala eta 17:00etan bingo berezia, opariekin.