Who The Bitch: jarrera, estiloa eta sentimendua

Who The Bitch talde japoniarrak itxi zuen atzo Kooltur Ostegunak ekimenaren bigarren ikasturtea. Lurrikara eragin zuten gaztetxearen agertokian; jarrera eta estiloa barra-barra, eta egiten dutena benetan sentitzen dutenaren ziurtasuna. Ikusmina piztu zuen Japoniako hirukotearen kontzertuak, 140 sarrera inguru saldu ziren-eta. Ez zuten 'feedback' larregi lortu ikusleendako errepertorioa ezezaguna zelako baina giro polita jarri zuten ikasturte honetako azken saioan. "Eskerrik asko" esanez amaitu zuten kontzertua; eskerrak eurei etortzeagatik eta antolatzaileei, Kooltur Ostegunak ekimenarengatik ez balitz ez genukeelako halako talde batez gozatuko. Datorren ikasturtean bueltatuko dira kalitatez musikatutako eguenak.