18:30ean udaletxe aurrean deituta zegoen atez-ateko zabor bilketaren kontrako kale bilkura "arrakastaz" burutu da. Atez-atekoa stop lelopean, jende "asko" hurbildu da herriko plazara, ezarri asmo duten sistema berri honen "kontra" egitera. Bertan, sinadurak batzen aritu dira; herri plataformako sustatzaileak azaldu duenez, dagoeneko, 3.800 sinadura bildu dituzte.
"Atez-atekoaren kontra" bai, baina "birziklapenaren alde" ere badaudela esan dute bertan batu diren herritarrek. "Konponbidea bosgarren edukiontzi marroia ezartzean" dagoela adierazi dute, zabor organikoei dagokion edukiontzian, alegia.
Gaur, eguaztena, arratsaldean Arrasateko herriko plazan egindako kale bilkuran, Bildu eta Aralarrek osatzen duten Udal gobernuari Arrasaten atez-atekoa ez jartzeko eskatu diote bertara hurbildutako herritarrek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
