Pozik dago Jose Mari Garai ugazaba, halako mokadua herrira ekarrita. Izan ere, zortedunak zeintzuk diren ez daki, baina dioenez ohiko bezeroak izango dira seguruenik, bertako jendea. Primitiba, kiniela eta halakoekin sari politak banatutakoak dira lehenago ere, baina oraingo hau berezia da, bere ustez, hamar lagunen artean banatuko delako.
Beste sari batzuk
Garai administrazioak 1995ean banatu zuen bere historiako saririk potoloena: 803.539 euro, Primitibarekin. Joko horren bitartez baita ere 732.526 euroko saria banatu zuen 2009an. Zapatukoa administrazio honek bere ibilbidean banatu duen hirugarren saririk handiena da.