Astoak, umeak jolasean, gurasoak kale giroan, kantuak, umore ona, motorrak… eta parrandarako gogoa. Horiexek izan dira, besteak beste, gaur Musakola auzoan aurkitu ditugunak San Isidro jaien bueltan. Gaurkoarekin bukatzeko gaueko kontzertuetan da hurrengo hitzordua: 23:00etan, Lord Witch eta Lined, San Antolinen eta Kaixorekin berbena, eliza ondoan. Eta gauerdirako, berriz, moda-ikuskizuna iragarri dute "auzoko pertsonaia xelebreekin".
Bihar, berriz, umeendako jolasak San Antolinen (11:30-13:30); gimnasia erritmikoa kiroldegian (11:30); txikiteoa (12:30); zezentxoak San Antolinen (22:30); kalejira (18:30) eta bukatzeko, "azken traka paseo maritimoan": suzko erruberak eta sorpresa ikusgarria iragarri dituzte.
Martitzenean baserritarrak
Behin asteburukoak pasatuta, martitzenean, San isidro eguna ospatuko dute baserritarrek. Meza nagusia (11:30) eta bazkaria (14:00) dira dituzten hitzorduak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.