Irakurraldi kolektiboan Txillardegiren eleberri ezagunenen pasarteak irakurri zituzten. Leturiaren Egunkari Ezkutua (1957) eleberriarekin hasi ziren, ondoren etorri zen Peru Leartzako (1960) eta Elsa Scheelen (1968) eleberriarekin amaitu zuten. Hogei lagun igo ziren agertokira Txillardegiren narrazio gogora ekarri eta omentzeko, euskaltzale eta literaturzaleak gehienak. Arrasateko Musikaleko Mario Fernandinok saxoarekin eta Ana Izagirrek pianoarekin ekitaldi xumea borobildu eta are sentikorrago egin zuten.
AED elkarteak antolatuta, eta Literturjauziak egitasmoaren baitan, Txillardegiren omenezko irakurraldi kolektiboa egin zuten egubakoitzean Kulturateko Areto Nagusian. Urtarrilaren 14an hil zen idazle donostiarra eta euskaltzale eta abertzale moduan egindako lanagatik omenaldi xumea egin nahi izan diote AEDko kideek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak