Kooperatiben Nazioareko Urtea dela eta etorri dira Sunchaleskoak Arrasatera, eta gurean egon diren bi egunotan kooperatibismoaren sustrai sendoetako batzuk hobeto ezagutzeko aukera izan dute, hainbat esperientzia kooperatibo in situ ezagutuaz. Besteak beste Oletako Behi Alde kooperatiban egon dira, baita Mondragon Unibertsitatean eta Eskola Politeknikoan, Otalora jauregian eta MCCko erakusketan ere. Gaur goizean, Arrasateko herrigunea ere ezagutu dute besteak beste herriko udal ordezkari eta zinegotzien eskutik. Harresi aretoa bisitatu dute, baita parrokia eta udaletxea ere.