Ohi moduan, gobernuz kanpoko Debagoieneko erakundeek hartuko dute protagonismoa aurtengo Elkartasun Egunean, eta euren proiektuak ekarriko dituzte Seber Altube plazara, haien berri eman eta elkartasuna bultzatzeko. Horiekin batera, urtero moduan, tonbola ere ipiniko du gobernuz kanpoko Harreman erakundeak, dirua batzeko; bidezko merkataritzan oinarritutako saltokia ere izango da bihar Seberren; eta baita Arizmendi Ikastolako ordezkaritza ere.
Aurten taberna ere bai
Berritasun bat, baina, izango du aurtengo Elkartasun Egunak: "Alcorta eta Amstel taberna" ipiniko dute, Arrasate Bizirik elkartearekin batera.
Munbaira
Bestalde, tonbolan batutako dirua Mumbaiko (India) Ankur umezurtz-etxera bideratuko du Harreman elkarteak. Kalean utzitako edo oso familia pobreetako 200 neskatila bizi da han. Baina aspalditik dihardu Harreman elkarteak proiektu horretan lanean: 1994tik hona "500 neska atera dira etorkizun duinerako prestatuta".
Egitaraua
- 10:00 Irekiera ekitaldia.
- 12:00 Puzgarriak.
- 12:30 Arrasate Musikaleko banda txikiaren emanaldia.
- 13:30 Portaloi taldearen kantu saioa.
- 17:30 Kukubiltxoren Txirrikiz ikuskizuna.
- 19:30 Herrixa dantzan.
- 20:30 Tonbolako sari nagusiaren zozketa.