Zapatuan bertan kontzertu ezberdinez disfrutatzeko aukera izango da Arrasateko zenbait tokitan. Esaterako, Arrasate Musikaleko haize-egur taldeak eta banda txikiak 12:00etan emanaldia eskainiko dute Sebero Altuben. Horrez gain, Udalak antolatzen duen Musikaldiaren barnean, 12:30ean, txistulariek kontzertua emango dute herriko plazan.
Big Band eta Amurrioko Modern Band
Maiatzaren 5ean baita ere, Arrasate Musikaleko Big Band taldeak eta Amurrioko Modern Band taldeak kontzertua eskainiko dute Amaia Antzokian, 19:30ean. Aipatutako talde biek Amurrion eskaini zuten kontzertua aurreko kurtsoan; hurrengo zapatuan, ordea, Arrasaten.