Inaugurazioa 19:00etan izango da eta hil osoan zehar egongo da zabalik. 26 argazki egongo dira ikusgai eta argazkiotan Espainian ezagunak diren hainbat aurpegi ikusi ahalko dira, baita horren ezagunak ez diren modeloen erretratuak ere. Kajoi tabernako arduradunen arabera, Tabueña "maisua" da argia erabiltzen.
Moda argazkilaritzan aditu
Hainbat erakusketa egin zituen 1991 eta 1998 artean, Espainian eta Frantziako hegoaldean, eta Aragoiko Artista Gazteen lehiaketako lehen saria jaso zuen. Hala ere, 1998an hasi zen moda eta publizitaterako argazkilaritza egiten, Madrilen. 14 urteotan etxe handiendako egin du lan eta hainbat artista ezagun jarri dira bere kameraren aurrean; esaterako, Alejandro Amenabar, Marta Sanchez, Alaska eta Melendi.