Adingabeentzako Arrasateko pisuaren itxierak pisuan lan egiten zuten zazpi langile langabezian geratuko direla esan du ELAk. Diputazioko Gizarte Politika sailak Bide Barriko enpresa komiteari atzo jakinarazi zion enpresa honek Gipuzkoan kudeatzen dituen bost pisuen itxiera, tartean Arrasatekoa. Orain arte, lau adingabe bizi ziren Arrasateko pisuan.
Bide Barrik langileei 70 eguneko jarduna zor die eta Gipuzkoako Foru Aldundiak enpresaren gestio txarra argudiatu du harremana eteteko. ELA sindikatuak Bide Barri enpresaren gestio txarra salatu du eta diru publikoaren kontrol gutxi izatea leporatu dio Diputazioari.
ELAk gaineratu du Foru Aldundiak Bide Barriko langileekin hartutako konpromisioa ez duela bete. Izan ere, Diputazioak Bide Barriko langileak adingabeendako pisu horiek kudeatuko dituen enpresa berrian lan egingo zutela agindu zuen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.