Nubi Elkartea 2004. urtean sortu zuten Arrasaten, Saharan jasaten dituzten bizi baldintzen berri eman eta gaiarekiko sentsibilizazioa areagotzeko helburuekin. 2011n bertan behera utzi behar izan zuen bere jarduera, eta orain bueltan da berriz ere: ibarrean bizi diren saharar batzuek elkartearen eginkizunak berriz martxan jartzeko konpromezua hartu dute.
'Oporrak Bakean'
Nubi Elkartearen etapa berri honi esker, 2012ko Oporrak Bakean programaren lehen urratsak ematen hasiak dira dagoeneko. Asmoa da uztaila eta abuztuan Tindoufeko saharar errefuxiatuen kanpamenduetan bizi diren 11 urteko bi neska-mutiko gurera ekartzea, aste batzuetan behintzat kanpamenduetako bizimodu gogorra alde batera utzi, eta, beste edozein haurrek bezala, udako oporretaz gozatzeko.
Interesatuek 685 72 48 17 telefono zenbakira deitu dezakete, edota nubielkartea@gmail.com helbidera mezu bat bidali.